15 ноябрь – 10 декабрь көннәрендә «Җәмле Җураш буйларында» керәшен мәдәнияте онлайн фестивале оештырыла.
Фестивальне оештыручылар – Үзәк клуб системасы, Халыклар дуслыгы йорты, Менделеевск муниципаль районының керәшеннәр җәмгыяте.
Катнашучылар 2021 елның 15 ноябреннән 10 декабренә кадәр фестивальне оештыручыларның электрон почтасына гариза һәм иҗади номерлары төшерелгән видео җибәрергә тиеш булачак.
Фестиваль ике этапта үткәрелә:
– 2021 елның 15 ноябреннән 10 декабренә кадәр.
– 2021 елның 11 декабреннән 20 декабренә кадәр.
Беренче этапта катнашучылар гаризалар тапшырачаклар. Катнашучыларның гаризалары 2021 елның 15 ноябреннән 10 декабренә кадәр кабул ителә.
Икенче этапта гаризаларны тикшерәчәкләр һәм иҗади номерларына бәя бирәчәкләр. 2021 елның 11 декабреннән 20 декабренә кадәр фестиваль лауреатларын билгеләячәкләр.
Фестиваль турында тулырак аның положениесыннан укыгыз.