(6 февраля 2017) 4 февраль көнне “Кряшен Чибяре — 2016” титулы иясе Татьяна Ефремова өендә “Яңа Гасыр” телеканалы хәбәрчеләрен каршы алган. Аларның “Манзара” тапшыруы өчен видеосюжет әзерләп йөрүләре икән.
Журналистлар Татьянадан үзе турында, керәшен хәрәкәтенә ничек килүе, “Айбагыр” лагере, “Кряшен Чибяре” конкурсы, Казан дәүләт консерваториясендә укуы турында да сораштырганнар. Таня әбисе бүләк итеп биргән милли киемнәрне киеп күрсәтеп, аларның тарихы турында да сөйләгән, борынгы керәшен җырулары да җырлаган.
Шулай итеп, видеосюжетны 20 февраль көнне ТНВ каналыннан “Манзара” тапшыруында иртәнге 6.00 дан соң яки “ТНВ-планета”дан кичке 16.00 сәгатьтә карарга онытмагыз.