(25 апреля 2018) Сарман районы Ләке авылының (Татарстан Республикасы) “Игәнә” керәшен халык фольклор ансамбле тагын үзен сынап карарга булган.
Әйтергә кирәк, Раилә Асанова җитәкчелегендәге әлеге коллективның чыгышын тамашачылар бик җылы кабул иткән. Ветераннар арасында үтүче Республика күләмендә оештырылган «Балкыш» фестеваленең Әлмәт шәһәрендә узган II зона турында катнашып, “Фольклор” номинациясендә «Игәнә» ансамбле диплом белән бүләкләнде.
Ансамбль керәшен халкының гореф-гадәтләрен саклап, җыр-биюләрен яшь буынга тапшыруда зур эш башкара.