Я.Емельянов исемендәге мәдәни үзәктә Татарстан Республикасы рәссамнар союзы члены, талантлы рәссам Ольга Новожилова белән иҗади очрашу узып китте.
Кичәдә мәртәбәле кунаклар да күп иде. Татарстан рәссамнар союзыннан, Яр Чаллы керәшен җәмгыятеннән, рәссамның туган ягы Зәй районыннан һәм рәсем сәнгатен сөючеләр җыелды бирегә.
Рәссам белән иҗади әнгәмә берсеннән-берсе шәп концерт номерлары белән үрелеп барды. Ольга Новожилова кичәгә килгән кунаклар өчен бүләкләр дә әзерләгән иде. Кунаклар лотореяда катнашып, авторның картиналарын җиңделәр.
Ольга Новожилованың иҗат күргәзмәсе 31 мартка кадәр дәвам итәчәк.