Фильмның съемкалары Мамадыш районының Җөри авылы янәшәсендә урнашкан Тырлау аланында булган.
Керәшеннәр турындагы фильм берничә өлештән торачак. Анда халкыбызның тарихы, йола-гадәтләре дә урын алачак. Алар Албай авылының сугышларда катнашып, Герой исеменә лаек булган биш керәшен ир-егете язмышы аша җиткерелчәк.
«Фильмда катнашучыларның барысы да — мамадышлылар. Районыбыздагы керәшен ансамбльләре дә катнашты. Алар керәшеннәрнең йолаларын күрсәттеләр — «Түгәрәк уен» йоласы да төшерелде», — дип сөйләде Мамадыш мәдәният йорты директоры Эльмира Әхмәтова.
«Түгәрәк уен» фильмның бер өлешен алып тора. Анда катнашучылар керәшеннәрнең кичләрне ничек уздырганнарны күрсәтәләр. Барысы да продюссер һәм операторлар тарафыннан контрольдә тотыла.
Керәшеннәр турындагы фильм октябрь ахырында «Радость моя» каналында күрсәтеләчәк. Премьера Мамадыш шәһәрендә булыр дип көтелә.