16 декабрьдә Алафузовлар фабрикасында беренче керәшен дискотекасы булачак. Аны оештыруда «Бәрәкәт» яшьләр хәрәкәте активистлары катнаша.
– Керәшен культурасы белән кызыксынган һәркем килә ала. Ләкин шартлар бар: кунакка 18 яшь тулган һәм киемендә шакмак төшерелгән рәсем булырга тиеш, – диде «Бәрәкәт» яшьләр хәрәкәте җитәкчесе Алексей Дмитриев. – Махсус программа әзерләнде. Тусовкада җырчылар Татьяна Ефремова, Игорь Дмитриев, Римма Никитина, AkBulat, ANN SU, Вадим Захаров һәм Виктор Агаповның чыгышлары көтелә. Кичәне алып баручылар – Дмитрий Баранов һәм Вадим Шрыков. Шулай ук, Татьяна Ефремованың «Иделләре» җырына төшерелгән клипның презентациясе дә булачак.
Керәшен дискотекасында бүләкләр аукционы һәм өстәл уеннары үткәреләчәге, аерым фотозона әзерләнүе турында да хәбәр итте Алексей Олегович.
Оештыру урыны: Гладилов урамы, 55А йорт. Керү – түләүле. Яшь чикләре: 18+