(28 февраля 2017) 25 февраль көнне “Пирамида” күңел ачу комплексында “Болгар” радиосының милли музыкаль премиясен тапшыру тантанасы булды.Җиңүчеләр арасында безнең егет-кызларыбыз да бар.
Танылган җырчы Вадим Захаров башкаруында “Көттермәсәк иде әнкәйләрне”(Руслан Чернов сүзләре, Айдар Тимербаев көе) җыры “Болгар” радиосының милли музыкаль премиясенә лаек булды – “Тамашачыларның иң яраткан җыры” номинациясендә җиңүче дип табылды.
Анна Попова “Пирамида” залыннан иң күп санда премия алып китүче булды. Шагыйрәне “Лилияләр”, “Син һәм мин”, “Узган гомер җәл булмый” дигән җырлары өчен бүләкләделәр.
Карендәшләребезне җиңүләре белән ихластан котлыйбыз, киләчәктә дә иҗадиуңышлар телибез.