Казанның Җырчы Җәкәү җортында Республика конкурс-фестивальләренә әзерлек буенча керәшен фольклор коллективлары җитәкчеләре өчен семинар-практикум узды.
Семинар ике өлештән торды. Беренче өлешендә семинар-практикум темасы буенча Кашапова Эльмира Вафичевна, Ахмадиева Зоя Васильевна, Макаров Геннадий Михайлович, Кибякова Лариса Алексеевна, Дувалова Юлия Игоревна һәм Муллина Ирина Айдаровна республика күләмендә уза торган керәшен фестиваль-конкурсларына әзерләнү турында доклад белән чыгыш ясадылар.
Семинарның икенче өлеше исә практик белемнәрне арттыруга багышланды. Биредә исә Кашапова Эльмира Вафичевна — традицион җырлау серләре , Максимова Валентина Петровна — традицион костюм, Асадуллина Айсылу Айратовна белән Макаров Геннадий Михайлович — халык уен коралларында уйнау методикасы, Казакова Марина Петровна һәм Галиуллина Илүзә Халитовна керәшен биюве буенча мастер-класслар тәкъдим иттеләр.
Әлеге семинар-практикум катнашучылар өчен файдалы һәм кирәкле мәгълүматларга бай булды.