(22 февраля 2017) Узган атнада Зәйдә епископ Мефодий хакимияттә үткән шәһәр төзелеше буенча комиссия утырышында катнашты.
Анда шәһәрдә төзү өчен православие үзәге (керәшен чиркәве) проектын тикшерү һәм төзелеш өчен җир участогы бүлеп бирү мәсьәләсе каралды. Утырышны район башлыгы урынбасары Валерий Акатьев алып барды. Үзәк проектын комиссия әгъзаларының күпчелеге хуплады. Ул шәһәр архитектурасына туры килә һәм аның Зәйне бизәп торучы объект булачагы әйтелде. Әлеге мәсьәлә тиздән җирләрдән файдалану комиссиясе утырышында тикшерелеп, соңыннан ачык тыңлауларга чыгарылачак.