15 июль көнне узачак Республикакүләм «Питрау» керәшен мәдәнияте бәйрәменең иң кызыклы өлеше — бәйрәм лотереясы уйнату. Лотереядә уйнатылачак 7 телевизор, 2 холодильник, пылесос, мультиварка, микроволновка һәм башка кыйммәтле бүләкләрнең берәрсенә ия буласыгыз килсә, төнге уникенче яртыны көтегез.
Билгеле булганча, быел бәйрәм кунакларына 5 мең лотерея билеты таратырга җыеналар. Аларны мәйданга керә торган урында 16.00 сәгатьтән 18.00 сәгатькә кадәр алырга мөмкин булачак.
Лотерея уйнату бәйрәмнең төп сәхнәсендә 23.30 сәгатьтә башланачак.