Теләче районы Олы Нырсы урта белем бирү мәктәбендә «Сайра, сайра, сандугач» дип исемләнгән Республикакүләм балалар керәшен мәдәнияте фестиваль-конкурсы узды. Биредә Теләче, Саба, Питрәч, Балык Бистәсе районнарыннан 30 лап конкурсант көч сынашты.
Мәртәбәле жюри конкурсантларны 2 яшь төркеменә бүлеп 4 номинациядә тыңлады. Ул да булса халыкчан вокал, хореография, фольклор ансамбльләр һәм Давид Саврушевский шигырьләрен укучылар.
Әлеге фестивальдә Җырчы Җәкәү җорты директоры Людмила Даниловна Белоусова, әйдәп баручы белгечләр – Геннадий Макаров, Ирина Муллина һәм Павел Александров катнашты.
Җырчы Җәкәү җорты