Узып баручы 2014 ел – Культура елы булды. Культура елы керәшеннәр өчен исеме – җисеменә туры килерлек узды, дип әйтергә тулы хакыбыз бар. Республикада бу исем астында үткән бер генә чарадан да керәшен оешмасы читтә калмады. Культурабызны үстерү, башка халыклар белән беррәттән торып, рухи дөньябызның никадәр бай икәнен күрсәтү буенча шактый эшләр башкарылды. Аларны аерым- аерым санап тормыйча, авырлыклар шактый булса да, без ул авырлыкларны җиңеп чыга алдык, дип әйтәсем килә.
Якынлашып килүче Кәҗә елы безгә теләктәшлек күрсәтер, ә без, үз чиратыбызда, кризисларга, авырлыкларга бирешми, үз алдыбызга куйган бурычларыбызны җиренә җиткереп башкарып чыгарбыз, дип ышанам.
2015 елда Бөек Җиңүнең 70 еллык юбилеен билгеләп үтәчәкбез. Шушы уңайдан, сугыш һәм тыл ветераннарына ныклы сәламәтлек, җан тынычлыгы, бәхетле картлык телим. Яңа ел барчабызга да күңел көрлеге, гаилә иминлеге, тормыш бөтенлеге алып килсен.
Хөрмәтле карендәшләрем, Яңа ел белән Сезне!
Татарстан Республикасы керәшен иҗтимагый оешмасы җитәкчесе
Иван ЕГОРОВ