«Туганайлар» газетасы Медиа-Питрау оештыра — ОБЩЕСТВЕННАЯ ОРГАНИЗАЦИЯ КРЯШЕН Республики Татарстан

18 июль көнне 12:00 сәгатьтә ТАТМЕДИА бинасы янындагы ял итү паркында журналистлар һәм казанлылар өчен Питрау бәйрәме узачак. Җәйнең иң күркәм бәйрәме быел икенче тапкыр үтәчәк.

“Туганайлар” газетасы Медиа-Питрау оештыра

Бәйрәмдә Татарстанның атказанган артистлары Вадим Захаров һәм Олег Фазылҗанов, керәшеннәрнең «Бәрмәнчек» дәүләт фольклор ансамбле, «Керәшен чибәре — 2016» Татьяна Ефремова һәм «Керәшен чибәре-2014» Алина Давыдова, яшь җырчылар Виктор Агапов һәм Кирилл Спичков чыгышлары көтелә. Бәйрәмне Олеся Дмитриева һәм Вадим Шрыков алып барачак.

Дәртле җыр-биюләр белән беррәттән, бәйрәмгә килгән кунаклар өчен махсус фотозона эшләячәк, Питрау уеннары оештырылачак, үләнле чәй һәм тәм-томнан авыз итәргә дә булачак.

Питрау ул — чәчәк бәйрәме. Елның чәчәкләргә күмелгән иң матур вакыты. Питраудагы ызаннан кырык төрле чәчәк җыеп, кырык төрле чирдән дәва итеп тоткан әбиләр. Питрауга хәтле үләннең сихәте — яфракта, Питраудан соң — тамырда. Шуңа күрә, Питрау узгач дару үләне җыймыйлар инде. Питраудан соң күке дә кычкырмый, сандугач та сайрамый.

Җәйнең иң матур бәйрәменә рәхим итегез!

Урыны: ТАТМЕДИА бинасы янындагы сквер, Декабристлар урамы, 2

Вакыты: 18 июль, 12:00

Туганайлар