(24 апреля 2019) Самара өлкәсе Келәү районының Назаровка авылында керәшен карендәшләребез гомер итә.
Бу авылда керәшен гореф-гадәтләрен саклап яшиләр. Назаровканың «Натукай» исемле үз керәшен ансамбле дә бар. Географик яктан ерак урнашсалар да, ансамбль Татарстан керәшеннәре белән элемтәне югалтмый. Аларның Республикада узган керәшен чараларында да катнашканнары булды. 2015 елда Натукай Яр Чаллы шәһәрендә «Керәшеннәр җыру әйтә» фестивалне килгәннәр иде. 2017 елда ансамбль Свияжск тарихи-мәдәни утраучыгында “Бәрмәнчек бакчасы” (“Вербицы сад”) I Республика керәшен православ культурасы фестиваленең катнашучылары да булдылар.
Шушы көннәрдә «Натукай» ансамбленә халык исеме бирелде. Бу хакта ансамбль Инстаграмдагы шәхси аккаунтында хәбәр итә. Ерак туганнарыбызны, дәрәҗәле исем белән котлыйбыз!
