(16 ноября 2019) Сарман районы Петровка-Завод авылында “Халкым җәүһәрләре” фольклор бәйгесенең чираттагы зона туры узды.
Шушы көннәрдә Петровка-Завод авыл мәдәният йортында районкүләм “Халкым җәүһәрләре” фольклор бәйгесенең чираттагы зона туры булып узды. Бу турыда Сарман районы пресс-службасы хәбәр итә. Бәйгедә Мостафин авыл клубы, Петровка-Завод, Янурыс, Яңа Әхмәт, Каташ-Каран, Ләке, Югары Чыршылы, Чукмарлы авыл мәдәният йортлары каршында эшләп килүче фольклор ансамбльләр катнашты.
